[[[[ انا الغريب اللي على نقرة الدف ]]]]

[اخو سعد]

يا قاري الحكمه ويا قاري الكف
ويا من كلامه صمت.. والصمت منطوق

بحرك قصايد طول الازمان ما جف
والشاعر اللي مثل طلتك من فوق

يروي قلوب اهل الشعر لو تلطف
مثل المطر في جيته رعد وبروق

نديم الشارت والشعر..

[نديم الشارت]

صح لسانك ابو سعد واعتلى شانك
تستاهل شاعر المنتدى واضم صوتي
الى صوتي ابو راكان بمنحك لقب شاعر
المنتدى نبي توصيه منك تعطي من 3 الى 5 في الميه
وانت كريم وحنا نستاهل
يا الله عازف الكيبورد

هلا بالغالي

مافيه شي مضمون يابو شنب في التحليل الفني

والا لكان المحلل من أثرياء العالم

كل يوم يختار سهم من 3 الى 5%

ويحط اوامره ويتكــّـي عند ام العيال يمزمز شيشته ويعزف عوده ويغني على مقام الكرد :

يابنت هاتي شيشتي والحقـــيــــــــني
خلـّـيني امـــزمز على ماتــورّيــــــت

مــدري مــتى تصفي بقايا سنيـــــــني
راحت حياتي بيـــن ولعه وكبــريــــت

لكـن معـــك يامُـنيــتي سكـــّـــنيـــنــي
في جوفـك اللي فايـف ستار بســـويت

ومن فيــض مكنـون الغلا دثـــرينـــي
واذا دفى قلبي على العــــود غـنـــّـيت

وقومـي على صوت الغنا واطربيـني
هاتي من الحانك على ماتمنـــيــــــت

وعلى دفا صوت الغلا ذوّبيــــــنـــــي
يامـفــتـّــته قلبي من الوجد تفــتـــيــت

وان كان تعــّــبتـك معي سامحينـــــي
ومن روميـــو هذي تحية لجوليــــــت


كلمات وألحان وغناء الفنان نديم الشارت


عموماً ياغالي

علم التحليل علم احتمال وليس علم يقين

يعني تسأل نديم وش السهم اللي تتوقع يعطي

يقولك بترو رابغ فوق 24 فيه خير باذن الله

تحت 24 لاتقربه

سعره الحالي 24.42

وسلامة راسك

[نديم الشارت]

الله الله قصيدة رووووعة

صح لسانك وعلا شانك نديم الشارت

صح بدنك اختي الزعيمة

كلي شرف بمتابعتك الراقية لهذا المتصفـّـح المتواضع

الف تحية ولاتكفي

[الأسهم السعودية]

شاعر جزل ماشاء الله تبارك الله

[ابو رغد]

قصيد جزل وتوصيه بترو رابغ فوق 24 لاخوف

زادك الله علم ورفعه

[نديم الشارت]

يا قاري الحكمه ويا قاري الكف
ويا من كلامه صمت.. والصمت منطوق

بحرك قصايد طول الازمان ما جف
والشاعر اللي مثل طلتك من فوق

يروي قلوب اهل الشعر لو تلطف
مثل المطر في جيته رعد وبروق

نديم الشارت والشعر..

ياخو سعد منــك الأدب ماتوقــّــف
يامنبر الإبـــــداع ياكامـــل الــذوق

القاف عندك يابيض الوجه يصرف
صرف الذهب مابين صوّاغة السوق

وانا سعيد بشوفتــك واتشــــرّف
ياللي ربطني معك معنى وطاروق


كلي شرف بهذه المداخله الراقيه ياغالي

[نديم الشارت]

شاعر جزل ماشاء الله تبارك الله

كلي شكر وعرفان على هذه الشهادة التي أعتز بها

فائق الود والتقدير

[AbuNader]

أمسي على الونات واصبح على الـ ( أفّ )
باهت .. حزين .. ونبرة الصوت مخنوق

وابـدا بصفّ الشِعـر فـوق الـورق صــفّ
اقــول يمـكـن يشــــرح الـبال طـــــاروق

رائعة والأروع هو ذلك الإبداع
سلمت يداك وصح لسانك أخوي نديم

[نديم الشارت]

قصيد جزل وتوصيه بترو رابغ فوق 24 لاخوف

زادك الله علم ورفعه

شهادتك وسام على صدري وتاج على راسي يابو رغد

بالنسبة لبترو رابغ نقول يارب..


فائق الود والتقدير

[نديم الشارت]

أمسي على الونات واصبح على الـ ( أفّ )
باهت .. حزين .. ونبرة الصوت مخنوق

وابـدا بصفّ الشِعـر فـوق الـورق صــفّ
اقــول يمـكـن يشــــرح الـبال طـــــاروق

رائعة والأروع هو ذلك الإبداع
سلمت يداك وصح لسانك أخوي نديم

مقطوعة الاقتباس دليل على رقي ذائقتك الأدبية والشعريه

وجميل عباراتك دليل على وجود شخصية رائعه تتمتع بالصفاء الروحي والذهني معاً

لاعدمتك


الف تحية ولاتكفي

[mansur555]

صح لسانك يا شاعرنا المبدع

[نديم الشارت]

صح لسانك يا شاعرنا المبدع

صح بدنك ياغالي

كلي شكر وتقدير لهذا المرور الرائع ياعسل