الصاحب اللي

[حمزه]

الصاحب اللي في خيالي مصور

لا غاب عن عيني بقا منه صوره

حبه مع الايام زاد وتطور

باقصى الضماير قام يبني قصوره

غلاه بعروقي مع الدم فور

وشوقه بقلبي زاد حالي خطوره

اللي بطوق الحسن كنه مسور

ياقوتة بالزين جات مغموره

راع العيون اللي طرفها محور

كن المنايا في هدبها محصوره

وجهه كما بدر الدجا يوم نور

وابعد ظلام الليل من قو نوره

زودٍ على سحر المفاتن تصور

متواضعه جدا ما هي بمغروره

وشلون اصور شي ماينتصور

ما دام فيه الوصف يبدي قصوره

مالوم قلبي بالهوى لو تهور

خله يغوص الحب لاقصى بحوره

حب على وضح النقا ما يزور

علاقته بوضوح ما هي محظوره

[ADMIN]

الصاحب اللي في خيالي مصور
لا غاب عن عيني بقا منه صوره


ابيات جميله شي مو معقول
يعطيك العافيه اخوي حمزه

[حمزه]

لا كله في حدود المعقول وتعتمد على نظرة القاريء الله يسعدك اميره اشكرك بالمعقول وليس بعنف هههههههههههه

[ليالي]

زود على سحر المفاتن تصور
متواضعه جدا ما هي بمغروره

هذي اكيد لي تسلم ياحمزه كلك ذوق



.

[AbuNader]

مالوم قلبي بالهوى لو تهور
خله يغوص الحب لاقصى بحوره
حب على وضح النقا ما يزور
علاقته بوضوح ما هي محظوره

الله عليك ياحمزه
تسلم على هالحروف المعبّرة

[حمزه]

هلابونادر تشكرااات افندم