❤️ المساجـــله الشعـــريـــــه .،.،.

[ADMIN]

يقول الدنيا من دونك بدون احساس
. كئيبة صبحها اسود مساها "غي" !
واقول الدنيا من دونك بدون انفاس !
. تخيل كيف صارت ما تساوي شي ؟

[صعفق الفايز]

يالله ياللي ترزق الخلق يالرب المجيد

ارزق اللي يطلبك حاجة مانالها

ياهجوس الشعر غنيلي على الطرق الفريد

شاعرك يختار فالمفردات اجزالها

/

[AbuNader]

اليوم جمعه والعرب تطلب الخير
والعبد .. ماله غير ربّه .. ودينه

يا رب ترزقني ( بجنتك ) لا غير
وانت الكريم اللي ماتبخل يدينه

[ADMIN]

هذاك ان ضحكلي رحت كلي ولا ادري وين
وكم واحد قد راح لعيون مظنونه
وهذاك ان طرالي كنه يقصني نصين
معاه نص وابقى نص ماعيش من دونه

[صعفق الفايز]

هلا باللي بلا مكياج زينه.
دخيل الرمش وحجاجه وعينه.
يغار الورد من لمسة يدينه.
كلامه اه يامحلا كلامه.
على اهل الزين في زينه تعلا
قمر. شعبان لا منه تجلا.
/

[خواطر]

‏اشوف لك من وين مارحت ذكرى
‏ولا شفتها صديت عنها ودنقت

‏ماكل جرحٍ ، لاخـذا أيـام يبـرى
‏بعض الجروح يزيد شره مع الوقت

[طيب القلب]

تغانم الشوق دام الشوق لـه فرصه
الشوق مثل العمر لا راح ما يرجع

[صعفق الفايز]

عقب المواصــل نلتقي مثـل الاجناب
وانته وانا .. اكــثر ثنيــن إنتشـابه


/

[ADMIN]

هلا جابك الله عقب ذاك الطريق ارتحت
تبي بتصالك عقب ما غبت تنفعني؟؟

تبيني على حطت يدك جيت ولا رحت؟؟
تبي بهالسهوله بهالمعاذير تقنعني؟؟

[طيب القلب]

ياحضرة الليل موالك .. تأملته
وحنيت لأشياء منها خاطري طايب

حتى لو ان السهر بالدمع جاملته
وش يقنع المنتظر ويرجع الغايب

[ADMIN]

بإحساسنا نلغي مسافات و قيوُد
. و بـ عنادنا نَرسم . . نهاية خطانا !

[طيب القلب]

استعجل الإحساس والحسّ جواي ..
_________ واستعجل الأشعار والرسم موجود ..

يانغمة الدنيا على كيف مبغاي ..
_________ ياللي زرعتك فن .. والقلب محصود

يعني على ماقيل .. يارشفة الماي
_________ هنا اجيك .. وداخلي طفل .. مولود

[ADMIN]

دامك معي ياحبيبي لايهمونك
لا يا بعد أول الدنيا ،، وتاليها

[طيب القلب]

الصمت له حزه وانا كلي الصمت
........... حتى لو انه لج ليلي وكتبني

اهيم فيه ومنه جيت وتكلمت
...... اهدم على ارضه حرف الاحساس وابني

[ADMIN]

يا كثر ماني في غيابك توجّعت
لين الوجع سوّاني انسان ثاني !