اقتباس المشاركة الأصلية كتبت بواسطة هنا مشاهدة المشاركة
فيه من يتعلم من دروس غيره وفيه من يتعلم من الدروس اللي وقعت عليه
وفيه من لا ذي ولا ذي وهذه المصيبة
سهم في آخر إعلان له يقول إن الخسائر المتراكمة بنهاية الفترة الحالية قد بلغت 1692.5 مليون ريال بنسبة 147.5% من رأس المال.
خسائره تجاوزت رأس المال وش لنا فيه
ما بهالبلد إلا هالولد؟
ياهنا اشك لك عرق قصيمي ولآ حضرمي

يامسلم المضاربة بالاسهم الخاسرة صحيح فيها شد اعصاب وسرعة تنفيذ وممكن تنفذ باليوم فيها اكثر من 10 صفقات على هلل وربع ريال وغالبا ريال

هية ملح السوق والسوق يبغى كذا وانت بنفسك قلت السوق مضاربه قح

طيب تعال اقلك كم شركة خسرانة راس مالها بالسوق حاليا وسجلت ارباح لملاكها والمضاربين فيها بشكل يعلم الله ماحققتها شركة كبرى بالسوق

يا أخي كم نسبة خسارة الكابلات السعودية فوق 600 % وشوف سعرها قفز من 80 الى 155 واكثر لية طيب مضاربة بمضاربة

تعال لثمار كم خسارتها 141 %بالسوق وشوف كم نسبة حققت واسعدت ملاكها ..

تعال للبحر الأحمر كم نسبة الخسارة 97 % كم نسبة اخذها السهم واسعد ملاكة ..

ونجي لسينومي خسارة فية 147 % بس شوف كم نسبة اخذ من مستوى 10 ريال واقل الى مستوى 35 ريال ..

اليوم مافي خوف من توقيف الشركة بعد تعديلات الهيئة الجديدة كلها خفض راس مال وزيادة راس مال زي مابيصير بكثير من الشركات


الدرس الي تعلموة من ورطة الهيئة السابقة القديمة وقت الجماز يوم شطبو اكثر من 6..7..8..9 شركات بالسوق واصبح المتضرر الأول بعد الشطب هم

ملاك السهم ولى السرق رؤساء مجالس اداراتها شوفهم ساكنين بالقصور وراكبين افخم سيارات وعيالهم يدرسو كل واحد فيهم بدولة مختلفة ...

لنا بشركة بيشة قرابة 20 سنة وحلالنا مانعرف من سرقة ومحتفظ فية شركة سجلوها بالسوق عبارة عن صندقة تبيع تمور معينة 6 سرق وحاطين لهم مدير الله لآ يغفر له نجم الدين ظافر

فين فلوسنا وفين فلوس ملاك المعجل وفين فلوس ملاك سند للتأمين وفين فلوس ملاك وقاية للتأمين وفين وفين وفين

كلامي كثير عشان توصلك الفكرة ..

السهم ماينتهي السوق وهو بالمحفظة ياهنا لازم قبل لآ ينتهي السوق بخمس دقائق ينفذ امر بيع مباشرة باي شكل كان

تقلي الآن بعد تحقيق سنومي ريتل نسبة فوق هل السهم باقي اقلك بعتة ولآ هو موجود بالمحفظة كذا وصلت الفكرة شغل مضااااااااااربة