لو قلت لكم سهم بيدبل خلال سنة بتدخل ؟

[ابوعزوز 888]

كما هو في ****وان


هل يعتبرا ستثمار جيد؟

مثال دخلت في سهم. بمليون ريال وبعد سنة حققت مليون ربح

اي افضل هذا الاستثمار

او استثمر في عقار بمليون يجيب لي صافي 7.5% يعني بعد 13 سنة

اي افضل ؟


احتاج ردكم بمنطق

[ابو ابراهيم]

مايبغالها نشدة شيخ يابوعزوز
اكيد سهم يدبل في سنه

بس هذا مهوب الموضوع
عندك شي

ياترى ماهو

[ابو شهاب 1]

مايبغالها نشدة شيخ يابوعزوز
اكيد سهم يدبل في سنه

بس هذا مهوب الموضوع
عندك شي

ياترى ماهو

انا مع ابوابراهيم الموضوع فيه شي غامض
هات علومك ابوعزوز

[الفارس]

اكيد السهم يابوعزوز

[القمة]

عطنا اياه يابوعزوز نصبر عليه

[NA9R_SA]

المنطق اسواق المال ( مخاطرة عالية )

يجب دراسة جدوى الاستثمار قبل اي قرار

[= منصور =]

بمنطق ياابا عزوز والذي نتشرف ان نشارك في موضوعك

-لولا اختلاف الاراء لبارت السلع -

فالاسهم لها ايجابياتها ولها سلبياتها مثلها مثل العقار او اي تجارة
ولكن راي شخصي - ان التوجه للاستثمار حاليا في الشركات قد يكون هو الخيار الافضل وذلك للخطط الاقتصادية والنمو الاقتصادي في المملكة والتي ستساهم في نمو للشركات وكذلك السوق - تاسي - على ان يكون هذا الاستثمار محددا له هدف سوى كان عن طريق المضاربة لمن يجيدها او الاستثمار بشركة تمتلك حافزاً ودوراً في التوجه الاقتصادي بالمملكة

[البحث والإنق]

اخي الكريم مؤسس المنتدى

اهديك سهم الجزيره ريت واجعل وقف خسارة تنفيذ سهم واحد على 24 وسلامتك يوم الاحد مع اول ثانيه تاخذه وتجعل وقف خساره تنفيذ سهم واحد على 24 فورا

[ابويزيد المطيري]

عطنا السهم يابوعزوز والله انه افضل من العقار وغير العقار

[أفوكآدو]

في ناس كثير لو يضمن نص دبل 50% بيدخل اكيد ..
وعن نفسي اشوف لو تطلع بربع دبل بالسهم 25% في السنة يعتبر انجاز كبير .

[ألفيصل]

أفضل استثمار آمن اشتري في سهم حسب الآتي:

١- يوزع ارباح
٢- في مناطق قيعان
٣- في مسار صاعد
٤- شركة قوية مالياً

بهذا انت ضمنت نمو رأس مالك

[همورابي]

يلهطها السوق بجلستين

[ابو رغد]

بس اكتب السهم نرمي مبلغ ونصبر وكتب الله اجرك

[ابويزيد المطيري]

والله انا شايف سهم نماء للكيماويات ممكن يدبل وتاريخه يشهد له وعنده قناه الان لو تجاوز 39 ريال اتوقع هدفه فوق 60 ريال الان سعره 36 ريال وقمته في 2014 كانت 100ريال وعام 2012 كانت 140 ريال وعام 2006 كات 600 ريال واتوقع في هذه الارتفاعات وفي هذه الطفره التي نعيشها ليس صعب يصل 64 ريال والله اعلم

[ashm1404]

اهلا ابو عزوز والشهر مبارك
العقار اضمن .. خاصه لمن لايجيد اللعبه في سوق الاسهم وهو الابن البار
لكن ونحط تحتها خطين .. اللعب معهم في سوق الاسهم وفي القيعان افضل بكثير ناهيك عن دوخ المستاجرين ومماطلتهم في تسديد الايجار ووالخ
وهذي صخانه اتكسرت ولمبه اتحرقت وووالخ
منذ عام تقريبا هناك اسهم دبلت 20 دبل واخرى 12 دبل و 8 دبلات و 5 و3
وبعضهن لاتزال تراوح في مكانها ( ارتفاع طفيف لايكاد يحقق ال 50% ) .. مكانك راوح يعرفونها العسكريين
فماذنب من دخل اسهم المراوحه ويا حظ من دخل اسهم ال 20 دبل
الفرق الصيد وكيف نصيد ونوزع المحفظه ووالخ
تحياتي لشخصكم الكريم