قصص وعبر من سوق الأسهم

[مضارب قديم]

اسعد الله صباحكم ، سأكتب بأذن الله في هذا الموضوع بعض القصص والعبر واتمنى ان تفيدكم كما افادتني وتعلمون ان الله سبحانه وتعالى جعل ثلث القرآن الكريم وربما اكثر عبارة عن قصص وعبر حتى نقرأ ونستفيد ونتعلم .
واي اخ كريم يريد اضافة قصه يتفضل مشكوراً .

أول قصه مضحكه ولطيفه وحدثت عام 1998 بالسوق الامريكي ؛
شقيقي الكبير كان مستثمر وكانوا يجتمعون بصاله للاسهم باحد البنوك وكنت اشاركهم بعض اجتماعاتهم انذاك وكان سوقنا جداً جداً ضعيف واعتقد المحافظ لا تتجاوز 30 الف محفظه اغلبها لشيبان يستثمرون بسابك والراجحي وصافولا والاسمنتات ولا يبيعون فقط ياخذون ارباح كل سنه ويزيدون عدد الاسهم كلما توفر معهم كاش .
المهم انه بعد السقوط والانهيار لاسواق شرق اسيا ( النمور الاسيويه ) عام 98 اشتغل حينها مؤشري نيكاي وداو جونز والناس ما تعرف نهائياً اي شئ عن الاسهم ولكن بفضل وجود خبير اسهم عالميه معهم دلهم على سهم امريكي ممكن يتضاعف ميتين بالميه نسيت اسمه انذاك لصغر سني .
المهم اشتروا فيه وفعلاً خلال اسبوعين حققت الشركه 90٪ واحتفلوا بعشاء يدسم الشوارب واثناء العشاء قالوا للخبير البنكي وش تشتغل فيه الشركه اصلاً
قال ؛ بصراحه ما انتبهت لكني اتابع محلل اساسي امريكي ونصح بها بشدة ولذلك دخلت ونصحتكم
قالوا : تكفى شف وش نشاط الشركه حتى يا نكمل او نبيع ع هالربح
وقتها ما فيه نت مثل هالحين وقال اذا رجعت البيت اشوفها
اليوم الثاني بالصاله قال لهم
وش تتوقعون الشركه تنتج ؟؟؟😂😂😂😂😂
طلعت الشركه اللي تنتج شيفاز عالمياً
طبعاً اغلبهم ومنهم شقيقي باع وتصدق بكل الربح حرمه على نفسه وغرقوا في التندر والضحك ع هالموقف شهور كثيره
اتوقف هنا وبإذن الله احكي لكم حكاية ( العم ابوسعيد) في وقت لاحق

[رابح على طول]

الله يعطيك العافية ،،، ههههههههههههه
اسهم الشركات العالمية من يضمن لك شرعيتها ؟؟

[أبوطارق222]

يعطيك العافيه اخي مضارب قديم
قصه لطيفه ذكرتني بأحد الأصدقاء حصل معه نفس الموقف
ننتظر مزيدا من التجارب والذكريات
التاريخ أهميته في أخذ العظه والعبرة

[بني حرب]

خمووور ههههه الله يسعدك مثل ما اسعدتنا وبيض الله وجهك ووجيهم

[مضـ2020ـارب]

اضحك الله سنك وسن اخوك
ذكرتني زمان هههههه

[اتش ام اتش]

بدأت قصتي مع الاسهم عن طريق الوالد رحمه الله في بداية السبعينات الميلاديه كان مكتتب في بنك اسمه بنك ملي باكستان اذا لم تخني الذاكره . فكان رحمه الله مكتتب بأسمه واسماء اولاده فمن هنا بدأت قصتي مع الاسهم . وكان رحمه الله لا يجيد كتابة الانجليزي وكنت انا او احد اخواني نعبي له الخانات في النماذج التي تأتي له من هذا البنك . فبدأت اسأل عن هذا العلم الجديد بالنسبه لي اللي هو التداول في الاسهم .
في شي في الدنيا هادي اسمه تداول اسهم اعرف الاسهم وهي التي كانوا يتحاربوا بها زمان مع السيوف والرماح غير كده ما اعرف شي عن الاسهم وذلك حسب ما كنت اقرأ في روايات عنتره بن شداد و الزير سالم وغيرها . ايامها كانت القراءه ياه شي مشوق ومهم كنا نقرأ بالساعات ونتناقش فيما نقرأه وكل واحد يتكلم عن ما قرأه ويطلع الفوائد من ما قرأه ويطلع عليهاالزملاء حتى تعم الفائده للجميع واذا شفت كتاب حلو ومفيد توصي عليه الباقيين عشان يأخدوه واللي ما عنده امكانية الشراء يستنى خويه يقرأ الكتاب ويعطيه هو يقراه كمان وهكذا تعم الفائده للجميع والفائده تعم الجميع . اه يازمن .
المهم شكلي دوشتكم شويا حاولت ابحث عن مايعينني على معرفة هذا الشي الجديد تسأل مين تسأل مين ما في فائده المكتبات كانت محدوده والناس تسألهم يقولولك ايش اللي تقولوا هادا ناقصين نحنا اسهم ورماح ليه بنحارب نحنا والا ايه . واللي يقولك ياواد ايشلك وايشل الهرجه هادي خليك في مزاكرتك احسن لك مالك ومال الحاجات هادي . سبحان الله بعض الاوقات الواحد تنعمي بصيرتوا ما ادري كيف وما يفكر صح دحين انت رايح تبحث وتدور وتسأل برا عن الهرجه هادي وعندك في البيت الوالد الله يرحمه فاهم كل الهرجه وراح يفيدك صح يا ولد فين عقلك انت . بس وبدأت اسأله الله يرحمه عن الاسهم وكيف طريقتها وايش هيا طالع فيا وشالني وحطني فوق و تحت وساكت اعتقد والله اعلم انو يفكر ويقول ايشلوا وايشل الكلام هادا ما ينتبه لدروسوا ومذاكرتو احسن له . بعد الالحاح الشديد وبعد وقت طويل . الوقت الطويل ليش لأنو زمان مو زي دحين الاب دحين مو زي اول ولا الاولاد زي اول
. دحين الولد يبكيلوا شويتين قام ابوه يجري جري عشان يجيب له الحاجه اللي يبغاها مدري هو حب او خوف مدري . زمان اذا تبغى تتكلم مع والدك لازم تفكر كتيروتشوف الوقت المناسب وتسأل قبل ما تكلمه وتشوف الاوضاع اذا هي مناسبه والا لا وتقرب شويا شويا الين يشوفك ويعرف مقصدك يقوم يناديك ويقلك ها ياواد ايش عندك وتبدأ شويه شويه تجمع الكلام وتقولو اللي عندك ويقولك طيب بعدين وتستنى عاد الين يرد عليك . الاباء زمان كان لهم هيبه ووقار واحترام شديد جدا . اكيد دوشتكم لكن الكلام يجر بعضه ونشتل شويه يمين ويسار . المهم بدأ الوالد رحمه الله يعطيني شوية معلومات مهمه عن الشركات اللي بعضها شركات مساهمه وبعضها مساهمه محدوده وغيرها من الشركات وكيف المساهمه في الشركات وكيف هو يكتتب في الشركات و حاجات كتيره عن الاسهم . كان في زمان شي اسمه الحساب التجاري يختلف شويا عن الحساب اللي اخذناه في المدارس برضوعلمنا اياه ونفعني جدا بعدين في الاسهم وحساباتها الله يغفر له ويرحمه . وبعدين اتعلمت شوي شوي من مصادر اخرى الين فهمت حاجات كتيره عن هذا الشي اللي اسمه اسهم . طبعا هذا الكلام استغرق سنين وكبرنا وفهمنا اكثر
اقولكم الفطور جا وما اقدر اتحمل على قول المثل مقابلة الجيش ولا مقابلة العيش . سلام عليكم .
وسامحونا .

[الحدس الصادق]

الله يرحم والدك ووالدينا يارب

[مضارب قديم]

اخواني ؛ رابح على طول ، ابوطارق ، بني حرب ، مضارب 2020، اتش اند اتش ، الحدس الصادق

تسلمون وحفظكم الله كلاً باسمه ورسمه

[مضارب قديم]

حكاية العم ابوسعيد :
تعرفت عليه بنهاية عام 2005 وحتى انهيار السوق تاسي في فبراير 2006 وهو تقريباً في عمر والدي انذاك رحمه الله ويختلف عن والدي وكثير من الشيبان بأنه ومنذ اكتتاب سابك اعتقد عام 1981 فهم وتدبر في الاسهم زين واصبح كلما توفر معه مبلغ مالي يذهب للبنك ويشتري شهادات اسهم لسابك والراجحي وصافولا لاحقاً واضاف لهم بعد 2003 الاتصالات .
العم سعيد ليس تاجراً بل كان عسكري وتقاعد وهو رئيس رقباء بعد خدمه 36 سنه اكثر بسنه واحدة من المفترض يخدمها ، ابناءة احدهم ضابط والاخر طبيب والثالث معلم .
قال لي ياولدي ؛ انا بنيت لي بيت عمارة بجدة وبيت في ديرته ، وبعدها توقفت في العقار لانه يدوش وكفاية دوشة المستأجرين بعمارتي ، فارباح الاسهم مريحه وحلوه وتجيك وانت رجل ع رجل اهم شئ اختار اسهم عوائد ممتازه واسهمك ستزيد مع المنح وارباحك ستزيد مع الايام والسنين وابعد عن الشاشه .
المهم حتى لا أطيل عليكم بلغت قيمة اسهمه قبل انهيار 26/فبراير 18 مليون ريال .
وطبعاً اسهمه لا تُغلق بالنسبه الدنيا انذاك وكانت 5٪
قلت له ؛ تكفى بع يا عم سعيد وخذها من تحت .
قال ؛ والله ما طراني ابيع سهم واحد بتنزل ياولدي وتعود تطلع .
قلت ؛ حرام ياعم سعيد بعها واشتر بعد ما يهدى السوق وبتزيد كميتك بشكل كبير يمكن 30٪
قال : ياولدي هذي الاسهم اللي قيمتها 18 مليون تراها مشترى عليه بمبلغ لا يزيد عن 500 الف ريال ومر عليه سنين ومنين تنزل وتعود تطلع وانا ما يهمني الا ربحها السنوي او زيادة راس المال ومنح اسهم .

بعدما هدي السوق نزلت محفظته الى 13 مليون وطبعاً ما علقت لاني اعرف قناعاته ، ودارت الدنيا وقابلته ب 2010 وسلمت عليه وجلسني بجواره
وهمس باذني قال ترى قيمة اسهمي تجاوزت ال18 مليون والحمدلله غير الارباح اللي جناها والمنح خلال الاربع سنوات ربما ربما وهذا توقع مني تجاوزت المليون ريال .
قصة العم ابو سعيد غيرت بحياتي لولا انني كنت انذاك بالعشرينات من عمري ونزق وطيش شباب انما الان اتاملها وبصدق واندم على عدم بناء محفظه استثماريه بكل ما زاد عندي من مبالغ في الاسهم الاستثماريه القويه التي تشارك فيها الحكومه وتجيك العوايد وانت متربع القرفصاء بمجلسك او استراحتك .
ادخر مبلغ لمستقبلك حتى لو ما تزيده شهرياً الا الف ريال اشتر بها تكلك الاسهم الممتازه وستفيدك بعد 15 -20 سنه او اكثر وخصوصاً اذا تقاعدت تعيش حياة كريمه واترك المناقز والمضاربه لانها ترهق الصحه وتزيد الامراض
هذا ما عندي وسلامتكم .