اسهمي اختفت !!!

[mansur555]

يوم الخميس الماضي كان عندي سهم التموين ٥٥٠ سهم ،،
اليوم قبل التداول بربع ساعة فتحت المحفظه ناوي أبيع ولا حصلت إلا ٥٠ سهم فقط ال ٥٠٠ اختفت !!

اتصلت على البنك العربي إللي فيه محفظتي وعلمتهم بالسالفه قالو ال ٥٠٠
سهم معلقه في تداول وسوف ترجع لك بعد مضي ٢٤ ساعة !!!!
شيء غريب والله أول مره تحصل معي !!

هل سبق وأن حصل معكم يا شباب مثل هذا !!

مع العلم بأن عندي أسهم ثانيه غير التموين وكلها موجوده الا سهم التموين !!

[حسين]

لعلها خيرة لك إن شاء الله

[ashm1404]

ممكن تكون تحت الفحص للتاكد من خلوها من كرونا

[ابوليانو]

اذا انت متاكد انك ما سويت عليها اي اوامر وتعلقت زي ما يقولون والا ارفع شكوى على هيئة سوق المال ,,,ماتضمن انهم داخلين على محفظتك لاي سبب

[رابح على طول]

ممكن تكون تحت الفحص للتاكد من خلوها من كرونا

😂😂😂😂😂😂👍👍👍👍👍

[mansur555]

اذا انت متاكد انك ما سويت عليها اي اوامر وتعلقت زي ما يقولون والا ارفع شكوى على هيئة سوق المال ,,,ماتضمن انهم داخلين على محفظتك لاي سبب

لا أبد ما سويت أي أمر لا بيع ولا غيره ،،
الاسهم الثانيه كلها موجوده إلا سهم التموين راحت علينا نشوف بكرا نهايتها معاهم
لأنهم قالو ترجع لك بعد مضي ٢٤ ساعة !!

[ابوليانو]

لا أبد ما سويت أي أمر لا بيع ولا غيره ،،
الاسهم الثانيه كلها موجوده إلا سهم التموين راحت علينا نشوف بكرا نهايتها معاهم
لأنهم قالو ترجع لك بعد مضي ٢٤ ساعة !!

ارفع شكوى لهيئة سوق المال واذا لك شي يعوضونك
للاسف في بنوك تلعب فالمحافظ من دون علم اصحابها خاصة المحافظ الغير متحركه وانت عارف الاعيب البنوك وخساستها

[mansur555]

عزالله يوم صار كذا أصبح محافظنا مكشوفة لهم
وبارك الله فيك أخي العزيز أبو ليانو

[abu rakan]

الضاهر اذا ماخاب ضني

لعبة بتوزيع الارباح اخفاء الاسهم نتابع معاك الفلم ونريد افادتنا بان الارباح التي اعلنت الشركة من توزيعها شملت جميع اسهمك

[ابوليانو]

عزالله يوم صار كذا أصبح محافظنا مكشوفة لهم
وبارك الله فيك أخي العزيز أبو ليانو

حبيبي والله العظيم صارت لي قبل كم سنه ايام الاجازه خميس وجمعه والله انهم مضيفين لي سهم يوم الخميس والسوق مقفل وصورت الشاشه وبعدها ب10 دقايق دخلت مره ثانيه ولا عاد لقيته ودقيت عليهم يوم فتح السوق السبت وبلغتهم بان فيه دخول على محفظتي واني مصور الشاشه طبعا رد عليه واحد يقول عادي يصير خطا طلبته يتصل بي المسئول والله رد ويعتذر

[التسمعي]

اذكر في عام 2004 محفظتي كانت في البنك الامريكي سامبا

كانت ايام الخميس والجمعه اجدها خاويه ولا سهم فيها ويوم السبت ترجع اسهمي كما كانت


البنوك تطلع على جميع حساباتك ومحافظك بشكل مستمر


تحياتي

[mansur555]

إذا إنتهت هذه المشكلة على خير سأخرج من تداول العربي
لان عندي محفظه في تداول الراجحي يمكن يكون أرحم منهم !!

[ابوسند]

أنا قدحصلت لي في مصرالراجحي كانت لدي ٨٨٠ سهم في شركةصافولا وختفت ٨٠ سهم وتصلت على المصرف وقالولي اذهب إلى الفرع الاقليمي في المدينة المنورة وشكيت امري لله وخسرتهم وبعدهاحولت الفرنسي
والحمدالله الامورطيبةوعوضنا الله من فضلة

[المحـــارب]

ممكن تكون تحت الفحص للتاكد من خلوها من كرونا

من جدك يابو حسام
يقولك مختفيه 500 وباقي 50
مستحيل يسيبونها بلحالها لانها مخالطه
:176:





=-=


الله يعينك اخ منصور هنالك سر لو كانت كلها مختفيه نقول تعليق او تهنيق او ماشابه اطلبهم سبب مقنع

[ابوصالح ميكللي]

العربي اضعف اداء في البنوك من ناحية التداول صفيت محفظتي ورحت الاهلي والحمد لله جت خيرة هبد السوق وانا احول الدراهم

[ابوعزيز]

اخوي منصور ،،
اذا فيه في نفس الصفحة ايقونه للتحديث ، اضغط عليها يمكن تتعدل المعلومات اللي في الصفحه
(موجوده في الراجحي)

[سلام منصور]

افضل المحافظ البنك الاهلي

غير كذا كله صناعة صينية

ممكن يرجعوهم دبل اسهم لك غذا

[mansur555]

اخوي منصور ،،
اذا فيه في نفس الصفحة ايقونه للتحديث ، اضغط عليها يمكن تتعدل المعلومات اللي في الصفحه
(موجوده في الراجحي)

لا يا اخي كلمت البنك وقالوا موجوده في تداول وبكرا ترجع لك بعد مضي ٢٤ ساعة
عاد ابي اشوف بكرا نهايتها معاهم

[متداول جديد]

حدث المحفظه سوف تعود ان شاء الله
تحدث مثل هذا اذا حصل صيانة في الوكيند
عند الوسيط

[mansur555]

افضل المحافظ البنك الاهلي

غير كذا كله صناعة صينية

ممكن يرجعوهم دبل اسهم لك غذا

ما نبي دبل ليتها بس ترجع
أبي اهج عنهم

[محمد المحمد]

الله يستر أنت تعرف عدد أسهمك
حنا والله ما نعرف عددها لو يزرفونها ما أحد درى عنهم
والزمن هذا تخاف من كل شيء