مترامي الاطراف وين اروح ؟
سورك وقف بيني وبين الدرب .
عليك شرهة صوتي المبحوح
لو كان مالك في ظروفي ذنب .
وشلون ابوح ومن عليه ابوح ؟
وانا الثقيل ابو الشعور الذرب .
صحيح ما ناحت حمامة دوح
لكّن سالت دمعتين .. الصّب .
خلفك نعس نبض وغفا مملوح
ونامت مراهيش الغمام العذب .
ومنعني جدارك عن المسموح
واللي ورى اسمنتك .. هدية رب !
.
جيتك وصبحّتك بـ قلب و روح
وسرّيتني من غير روح و قلب .
والله ما يضحك على المجروح
الاّ الكريه اللي ما عمره حَب !