مسيكم بالخير يا وجيه الخير

مبطين عن السوالف فيذا

ما علينا خلوني اقول لكم سالفة تسجيلي بمنتدى المضارب شيخ الحبايب


هذا سلمكم الله بين فترة وفترة اتصفح مواقع الاسهم وكنت مسجل عضوية فيذاك اللي تعرفون

وكنت ما اتابع غير قراءة ابو أمجاد عسى الله يغفر له ويرحمه ويتجاوز عنه ( لا تنسونه من الدعوات في هالليلة المباركة )

واستمتع بمداخلات اخونا الملياردير وشخص آخر اظن اسمه ابو عبدالعزيز واحرص على متابعة موضوعه يوميا

وكنت اتابع الأخ عيسى السليمي أيضا بموضوعه عن الأركان واشوف الحرب ضده وكثرة الكلام عليه

واختفى فجأة الأخ السليمي عن المنتدى

وراحت السنين وجات وانا اتصفح المنتديات

ودخلت منتدى المضارب وشفت اسم السليمي موجود هنا

وجلست اتصفح المنتدى كل يوم واتابع تحليلات الأخ براديم وبعض المحللين هنا

وشفت طريقة الإدارة من بعيد لبعيد تجاه المنتدى وتعاملهم وحرصهم على المصداقية والثقة وانتقاء المحللين بعناية

خوفا على فلوس الناس من أشباه المحللين وصبيان الهوامير

طبعا بمدح لأني متأكد الجميع يتفق معي وهم يستاهلون وفوق المدح

وان شاء الله ما يشووفون هالرد

ادمنت تصفح المنتدى ومراقبة تحليلات المحللين والمصدافية عالية جدا عندهم

ما كنت ادخل المتابعة اليومية لاني من النوع اذا دخلت شركة معينة ألبد فيها واجلس متكي معي العزبة الين الله يفرجها

تعلقت في سيرا الطيار سابقا وأكثر من خمس سنوات خدمة فيها والحمد لله عدلت فيها آخر سنتين حتى رجع راس مالي

وضفيت عزبتي وطلعت منها

وفقني الله وسجلي فيذا وصرت اتابع بتركيز اكثر وادخل المتابعة اليومية بدون ما اشارك

ومن نعمة الله علي ما كننت ادخل ****** محللين المنتديات كنت اخذ معلومة من أحد الزملاء

اول دخولي للأسهم يمكن عام 2011 تزيد سنة تنقص سنة

كان زميلي ينصحني بالاسهم قبل الانهيار وارفض هالشي من مبدأ اذا شفت الناس توجهوا لمكان معين انحش منهم

والزميل ينصح وانا اقول مستحيل اشتري حاجة ما اشوفها مسوي نظام تاجر وبضاعة

وقلت له اذا ورطوك وقرصوك الهوامير وتعلمت الدخول والخروج منهم ذيك الساعة علمني

كنت ابيع واشتري بمكالمة منه

انقطعت منه بحكم العمل والنقل وما عاد نتقابل وضاعت الأرقام مني
وسحب علي شر سحبة

حسنته الوحيدة دبلت معه الا شوي بالقصيم الزراعية

وطلعني من المعجل قبل ما تغلق بفترة قصيرة وحذرني منها


اعتقد قلت سالفتي في بداية موضوعي

ولذلك ما علينا


المهم يالربع سجلوا في المنتدى فيه ناس حريصين على فلوسك أكثر منك

وناس تخاف الله في كل ما تكتب

وخل بالك طويل في السوق

صدقني السوق مقبل على خير وفي خير

وفق الله الجميع

خلاص تعبت وانا اكتب