مختارات منوعه

**حمزه** · 01-02-2017, 12:37 PM

هنا انقل لكم ابيات قصيره جميله على الاقل في نظري وعلى التوالي كلما وجدت شيئا جميلا وهكذا دواليك حتى تنتظم الامور في المنتدى ويتم نقل الزهاب كله من هناك الى هنا

يآليت من ودّي عيـونـي ،،، تشوفه
آلقاه وآقف بين ،،، رمشي ورمشي
ويآليت من جآرت عليـنآ ،،، ظروفه
نلقآھ لو صـدفه مع آلنـآس يمشي
كمان
‏له في عيوني دار عز ومهابه
‏وفي وسط قلبي للغلا كل تقدير .
‏‏وله في الحنايا شي ما ينحكى به
‏حتى احاسيسي معه دايم غير .
كمان
الميزه اللي فيك ماهي فإنسان !
الله عطاك أسلوب ماهو في حيّ
أّجيك : متنكد ، وضايق ، وزعلان
و أروح ما كني تضايقت من شيّ !
كماان
يازين صوته ياعرب ينعش الروح !
وفي كل حرفٍ .. ينطقه فيه بحـه '
كذا من الله خالق الصوت مبحوح ظ«
ويشح في هرجه .. وَ ياشين شحه
انبسط عاشق افندي

**فارس الصحراء** · 13-02-2017, 09:19 AM

تسلم عمو
ربنا يسعدك

**العاصفة** · 13-02-2017, 02:05 PM

يعطيك العافيه اخوي حمزه
ذوق و ذوق

**حمزه** · 13-02-2017, 07:12 PM

الله يمسي كل الأجواد بالخير
بعد المساء بثني عليكم سلامي
يوصل محمل بالمعزه وتقدير
على الجميع بدون ذكر الأسامي

**حمزه** · 14-02-2017, 02:30 PM

‏يسأل عليك اللي من الناس يغليك
يسأل ويرسل مايبي غير ردك
سلام والخافق من الشوق يطريك
مشتاق لك ليت الرساله تشدك

**SUPER ADMIN** · 19-02-2017, 03:27 PM

بارك الله في جهودك اخي حمزه

يثبت الموضوع

**حمزه** · 19-02-2017, 06:09 PM

احترامي وتقديري لك اخي المضارب بارك الله فيك
وانا بدوري اتقدم لاخوتي الاعضاء بالمشاركه هنا من الجميع وفي هالمجال عالخصوص وشكرا سلفا

**حمزه** · 19-02-2017, 08:54 PM

‏حي المساء اللي تنفس بالاذكار
‏يشرح صدور اللي يعانون ضيقه
‏
‏سبح وهلل واسلك دروب الابرار
‏وتصير اسعد شخص بين الخليقه...

19-02-2017, 08:55 PM

يا حبيبي فيك ظني ما يخيب

لو حصل من بيننا صد وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إني وافي يا أغلى حبيب

صادق ما فيه مثلي بالوفاء

**حمزه** · 20-02-2017, 05:07 PM

‏تغريني البسمه ويذبحني الرمش
‏ يالله دخيلك ويش أسوي معاها

‏قلبي يقول أوقف وعقلي يقول أمش
‏ وعيني تقول أبرتوي من حلاها

**العاصفة** · 20-02-2017, 07:08 PM

اللي فــ .. وعده لو طال الليل يقصر
وكل لحظة تمضي .. فعمري تزيدي
وسحابه للدمع لاغاب تمطر
تسقي على شفاهي خزامي قصيدي

**حمزه** · 21-02-2017, 06:00 PM

وخير الناس عند الله شخص
تحلى بالمكارم والصفات
إذا جالسته يومآ تجده
لطيف القول موصول الثبات
وإن فارقته تشتاق دومآ...
لرؤيته بدون مقدمات

**ADMIN** · 21-02-2017, 09:45 PM

تغيب عن عيني ولا غاب لك طيف /
واسامح جروحك ولو كنت مخطي ،

ليتك تعرف الشوق في غيبتك كيف /
تراني احبك .. ولا عاد تبطي

**SUPER ADMIN** · 21-02-2017, 10:50 PM

أبشرك دنيايه سهود، ومهود..
وأبشرك عايش، ولو ما تجيني..

شرواك في مثلي من الناس، محسود..
ماهي كبر، والوقت بينك وبيني..

وش لون أكابر؟ وآخري جيفة و دود..!
والحمد لله، عارفٍ نهج ديني..

لو ترسل العالم على مثلي حشود..!
ما جاني الا ما كتب في جبيني..

رزقي على الله، ماني بطالبك جود..
وحتى انت، ماهو في يديك ويديني..

روحتك، ما تعني لي الخط مسدود
قبلك، وبعدك.. واجد اللي يبيني..!

خطايه اني جيت لك، شبه محدود..!
و وهبت لك قمّة وفاي، وحنيني..

وحسستك إن مافيه، مخلوق.. موجود..!
مثلك، ولا يشبهك أصلاً.. بعيني..!

كبّرت راسك، لين شابهت نمرود..!
تامر كأنك منت، مخلوق.. طيني..!

لا.. إمعصي..! ما ترسم أحلامي بعود..
اصحى، وشوف الفرق، بينك.. وبيني..

خطتك، مرسومة..! وما قلت، مردود..
و مبيّت النية، عليّه.. وفيني..!

أما العدو.. من خلقة الكون، مقرود..!
وبكرى تبي تندم اذا شفت ويني..