أبو محمود
عضو قدير ومحب للمنتدى
الحالة
متصل
فمان الله
فمان الله ياحبٍ تغلغل في حنايا الزور
فمان الله يا اغلى من نسم صدري وشرياني
فمان الله ياللي لك مكان ومنزل معمور
فمان الله ياللي مسكنك قلبي ووجداني
فمان الله يانور العيون اللي ماتلقى نور
فمان الله يا كلّي وتاريخي وعنواني
فمان الله ياريح الندى في خايعٍ ممطور
فمان الله يازرعٍ سقيته حب واسقاني
فمان الله والعبرة تراها عدّت الحنجور
فمان الله لكن خلّها تشرح لك احزاني
فمان الله تذرفها العيون وخاطرٍ مكسور
فمان الله تعبير الدموع اصدق من لساني
فمان الله مافكرت بالفرقا لكن مجبور
فمان الله وين القى حبيب ووين يلقاني
فمان الله سامحني اذا مني لقيت قصور
فمان الله واعذرني جفيتك قبل تجفاني
فمان الله ما يمحى غلاك سنين ولا شهور
فمان الله كيف انسى غلاك وكيف تنساني؟
فمان الله وادعني وداع الغالي المقبور
فمان الله وان طّول غيابي لاتحرّاني
على شاني تقبّل كل شي بخاطرٍ مسرور
تقبّل كل ماقلته ولا تزعل على شاني
انا لو في يدي حيله او ان بداخلي مذخور
ما والله تسمع الفرقا وطاريها على لساني
ولكن الزمن زادت جروحه والسنين اتبور
عيوني للسعد بس السعد مر وتعداني
ابا اسج القدم والرزق عند الواحد المشكور
الهي وين مايكتب لي الأرزاق وداني
مع اني والله ان ابطي مريض وخاطري مكسور
اليا منهم طرولي ناسي وربعي وخلاني
فمان الله مافكرت بالفرقى لكن مجبور
فمان الله تعبير الدموع اصدق من لساني
رد مع اقتباس
مواقع النشر (المفضلة)