قصيده مبايعه للملك سلمان ملك الحزم والعزم
على السمع والطاعه نبايعك ياسلمان
على السلم سلم وللمعادين حرابه
نبايعك من عرعر الي منطقة نجران
على سنة محمد على منهج كتابه
نبايعك ياسلمان يامعرب الجدان
نبايعك يامن بيدك السيف ونصابه
لك السمع والطاعه لك الشكر والعرفان
لك الكلمه اللي كنها البيت واطنابه
ملكنا المفدى بو فهد منبع اﻻحسان
يابريق من انجازات رفرف بمرقابه
ياغيمه من اﻻمجاد يارعدها الحنان
ياسيل الكرم يابرق من طيب ومهابه
ياخادم بيوت الله يامكه رضى الرحمن
ياطيبه قداستها على الدار وترابه
ترا الشعب ياسلمان ياسيفنا شامان
يقول انت مفتاح الوﻻ وانت لك بابه
نبايع وبيعتنا في اعناقنا عنوان
على الطيب والمعروف ماننزع اثيابه
نباهي بكم كل اﻻمم والوفا برهان
على الشرع واﻻخﻻص مانخلف اركابه
نبايعك يامقرن على الشرع والقرآن
ولي العهد مقرن له السمع والجابه
نباعيك يامقرن على العهد واﻻيمان
نباعيك ياكوكب من المجد وشهابه
عسى الله يديم اﻻمن في ديرة اﻻيمان
عسى الله يعز ملوك للعز وثابه
من طريف الي جده للاحسا الي جيزان
من العاصمه حنا فدا الدار واحبابه
دروع الوطن حنا من الشيب والشبان
ظفاير من اللحمه بها نار شبابه
على الشرع قرت فالمﻻ شوكة الميزان
ابو متعب اﻻنصاف والعدل وصى به
وصلوا على خير البريه نسل عدنان
محمد رسول الله واﻻتباع واصحابه
منقوله
رد: قصيده مبايعه للملك سلمان ملك الحزم والعزم
اللهم صل على محمد وعلى آله وصحبه أجمعين
رد: قصيده مبايعه للملك سلمان ملك الحزم والعزم
على السمع والطاعه نبايعك ياسلمان
على السلم سلم وللمعادين حرابه
أنشهد
وسلم منقولك أخوي ابن الجراح
رد: قصيده مبايعه للملك سلمان ملك الحزم والعزم
اقتباس:
المشاركة الأصلية كتبت بواسطة abunader
على السمع والطاعه نبايعك ياسلمان
على السلم سلم وللمعادين حرابه
أنشهد
وسلم منقولك أخوي ابن الجراح
ومن قال سلم وكل عام وانت بخير
رد: قصيده مبايعه للملك سلمان ملك الحزم والعزم
جزاك الله خير
اختيار موفق اخوي